2021 s. sentâbr ayınıñ 29-ında Ükümetniñ oturışında Nazirler Kabinetiniñ «Qırım Muhtar Cumhuriyetiniñ ve Aqyar şeeriniñ deokupatsiya ve raintegratsiya strategiyasını kerçekleştirmek içün Tedbirler planını tasdıqlav aqqında» emri qabul etildi.
Mezkür Tedbirler planı, Ukraina milliy telükesizlik ve mudafaa şurasınıñ 2021 s. mart ayınıñ 11-indeki «Qırım Muhtar Cumhuriyetiniñ ve Aqyar şeeriniñ deokupatsiya ve raintegratsiya strategiyası aqqında» qararını yerine ketirmek içün Ukrainanıñ vaqtınca işğal etilgen topraqlarınıñ reintegratsiya meseleleri tarafından azırlandı.
«Bu sene Strategiya tasdıqlandı ve bu strategiyanı yerine ketirmek içün bir tedbirler planı da tasdıqlandı. RF silâlı tecavuzınıñ sekiz senesi içinde Qırım yarımadasını deokupatsiya etmek içün Ukraina devletiniñ muayyen areketlerini tasvir etken ilk vesiqadır. Eminmiz ki, qabul etilgen plannıñ semereli kerçekleştirilüviniñ VİETnıñ deokupatsiyası ve reintegratsiyası içün temeli ve aqlarnı qorçalav meseleleri, qanunsız siyasiy avesli makeme taqip etüv, devlet içinde alınğan kişilerniñ aqları qorçalav mevzusında devlet siyasetiniñ semereliligini arttıruv katalizatorı olacaq», - dep nazirniñ muavini İgor Yaremenko qayd etti.
Vesiqa, 158 tedbirniñ kerçekleştirilmesi esapqa alınmaqtadır. Hususan, VİETnıñ sakinleri içün bazı mehanizmlerniñ mükemmelleştirilmesi üzerinde açıq-aydın ve kompleksli iş yapılacaqtır.
Böylece, misal içün, qanunsız olaraq azatlıqtan marum etilgenlerge ve qorantalarınıñ azalarına ödev arizasını berüv usulınıñ sadeleştirimesi esapqa alınmaqtadır. Daa VİETdaki ukrain vatandaşlarınıñ grajdan vaziyet aktlarınıñ qayd etilüvine dair mehanizmler mükemmelleştirilecektir.
Tedbirler planınıñ müim maddelerinde biri, VİETdan abituriyentlerni ve DAKni Ukraina ükümetiniñ nezareti astındaki toprağında yerleşken tasil yurtlarında oqumağa çekmektir. İhtisasiy yañıdan azırlanuv ve ihtisasnı yikseltüv programmalarına dair oqutuv, devlet içinde alınğan kişiler içün yañı iş yerlerini yaratuv, tasil ve uyğunlaştıruv programmaslarını inkişaf etüv, VİETdan balalar ve yaşlar içün çet memlekette oqutuv ve stajlav planlaştırılır. Daa VİETda alğan ihtisasnı tanımaq içün attestatsiyanı keçirüv usulınıñ ve vesiqalarnı berüv usulınıñ mükemmelleştirilmesi ve sadeleştirilmesi esapqa alınmaqtadır.
Bundan ğayrı, VİETdan ukrain vatandaşları içün ilk pasportını aluv mehanizmi sadeleştirilecek ve mükemmelleştirilecektir.